11.000 milioi euro Europar I+G+b proiektuak finantzatzeko H2020-an

Europako Batzordeak 11.000 milioi euro ditu berrikuntza eta ikerketako proiektuak finantzatzeko I+G+b finantzatzeko Horizon(te) 2020 europar programaren azken deialdietan.

Deialdi horietan proiektuak aurkezteko zein aukera dauden ezagutu ahal izateko, datorren urriaren 3an eta 4an INFODAY H2020 antolatu du INNOBASQUEk. Bertan, CTDIk 2019-2020ko azken lan-programako deialdien berri emango du eta, bidez batez, SPRI, BIOEF, ELIKA eta EVE erakundeek RIS3 Euskadi  gaiekin (Fabrikazio aurreratua, energia, biozientziak-osasuna eta elikadura) duten lotura azalduko dute.

H2020 duela 5 urte hasi zenetik, Euskadik 562 milioi euro lortu ditu berrikuntza eta ikerketako 941 proiektu finantzatzeko nazioarteko erakunde onenekin lankidetzan. Proiektu horien % 72 RIS3 Euskadi lehentasunei loturikoak ziren.

Horizon(te) 2020n parte-hartzearen arrakasta-tasa, hau da, finantzaketa jasotzen duten proiektuen kopurua eskatzen duen proiektu-kopuruarekiko % 12koa da Europan, ehuneko hori % 15era igotzen delarik. Horren haritik, I+G+b Nazioartekotzeko Euskal Estrategiak 2014-2020 denboraldirako Euskadirentzat ezarritako helburuak betetzen ari dira aurreikusiaren arabera.

Zehazki, Elikagaien Segurtasun, nekazaritza jasangarri, itsasoko eta barnealdeko uretako ikerketa eta bioekonomiaren  2. gizarte erronkan, euskal erakundeek 13,38 M€ lortu dituzte 38 proiektutarako. Horietako lautan Euskadi izan da liderra, eta arrakasta-tasa (% 17,54) Europako tasaren batez bestekoa baino askoz altuagoa izan da.