Abian da FutureFoodS lankidetza transnazionalaren bigarren deialdia
FutureFoodS lankidetzak bigarren deialdi transnazional kofinantzatua abian jarri du, elikadura-jasangarritasunaren azelerazioari buruzkoa, dietan egindako aldaketa osasungarri eta jasangarrien, konfiantza eta gardentasunaren eta elikagaiak ekoizteko sistema zirkularren berrikuntzaren bitartez. Deialdira entitate ikertzaile eta berritzaileak gonbidatu dituzte, elikadura sistema jasangarriagoetarako trantsizioa azeleratzen duten proiektu-proposamenak aurkezteko..
Guztira 39 milioi euroko zuzkidura du deialdiak, Europako Batzordeari eta Europako 20 erakunde finantzatzaileri esker, besteak beste Eusko Jaurlaritzaren Elikadura, Landa Garapen, Nekazaritza eta Arrantza Saila, ELIKAren bitartez. Helburua da elikadura-jasangarritasunaren azelerazioa ardatz duten ikerketa-proiektu berritzaileak sustatzea.
Gaiak
Bigarren deialdiak etorkizuneko elikadura-sistemen jasangarritasuna lortzeko oinarrizko hiru gai ditu ardatz:
- Dieta jasangarri eta osasungarriak sustatzen dituzten etxeko elikadura-praktikak: etxeko lan sistemikoa, honako hauek jorratzeko: elikagaien segurtasuna, kulturak, nutrizio-beharrak, elikagai-kultura eta kontsumitzaileen portaera.
- Elikagai anitzak, jasangarriak eta zirkularrak produzitzen dituzten sistemetarantz: prozesatzea eta ontziratzea hobetzea, azpiprodukuak balorizatzea, eta kontsumitzaile-talde desberdinei egokitutako osaera.
- Konfiantza eta gardentasuna elikadura sistema jasangarrietan: eragin-puntuak identifikatzea; tresnak, metodoak, metrikak, adierazleak eta seinaleak ebaluatzea (etiketatzea, adibidez) esparru bateratuagoa lortzeko, sistemako eragileekin batera sortua.
Proposamenetarako eskakizunak
- Proposamenak “ikerketara bideratutakoak” (TRL3-5) edo “berrikuntzara bideratutakoak” (TRL 6-8) izan daitezke.
- Proposamenak aurkez ditzakete unibertsitateek, ikerketa institutuek, enpresa txiki eta ertainek, enpresa handiek eta erakunde publikoek, nazioko zein eskualdeko araudien menpe daudenek.
- Partzuergoa gutxienez 3 herrialdetako 3 entitatek osatu behar dute, eta horiek hautagarriak izan behar dute deialdian parte hartzen duten erakunde finantzatzaileen dirua jasotzeko (3.Taula-guidelines).
- Hautagarritasun-arau espezifikoak aplikatuko dira erakunde finantzatzaileen arabera; hortaz, entitate eskatzaile bakoitzak bermatu beharko du proiektu globalera egindako ekarpena bat datorrela arau horiekin, I. eranskinean jasota dagoenaren arabera.
- Proposamenen alderdi gakoak proposamenak ebaluatzeko kontuan hartuko dira, eta honako hauek dira:
- Ikuspegi eraldatzailea
- Diziplinartekotasuna
- Elikadura-sistemako eragile desberdinen konpromisoa
- Jasangarritasuna
- Derrigorrez Inpaktu Plana aurkeztu behar da, elikadura sistemen eraldaketarako bilakaera azaltzeko (II. eranskina)
- Aditu independenteek egindako ebaluazio-irizpideak berrikustea gomendatzen da:
Aurretiazko proposamenaren 1. fasean: bikaintasuna eta inpaktua;
Proposamenak osorik aurkezteko 2. fasean: bikaintasuna, inpaktua eta kalitatea eta eraginkortasuna.
Euskadirako eskakizun espezifikoak
| IRIZPIDEAK | HAUTAGARRITASUN |
|---|---|
| Gehieneko aurrekontua/proposamena | 100.000€ |
| Onartutako proposamen kopurua | Entitate bakoitzeko bat, gehienez ere |
| Entitateen eskakizunak | Euskadin kokatutako edozein erakunde publiko edo pribatu, elikadura-sistemen arloan aritzen diren arloak edo sailak baditu |
| Finantzatu daitezkeen jarduerak | Gutxienez 5 TRL eta ahal izanez gero Euskadin ezarritakoak |
| Eskatutako informazioa | – Lankidetzaren laburpena eta zerrenda – I+G+b arloko jarduerak: egin beharreko jarduerak, proposamenaren balio erantsia, TRLaren justifikazioa =>5 – Proposamenaren xehakapena (kostua eta arduraldia) |
Onartutako kostuak | – Langile-kostuak (€ eta AP) – Bidaia-kostuak – Ekipoak eta materialak – Zeharkako kostuak (langileen % 15) * Ezin da azpikontratatu |
Harremanetarako eskualdeko gunea: ELIKA. Harremanetan jarri eta eskatutako informazioa helarazi beharko zaio
Kronograma
| Deialdia martxan jartzea | 2025/12/03 |
|---|---|
| Informazioa jasotzeko web-mintegia | Europarra: 12/11/2025 (11:00-13:00) Espaina/Euskadi: 12/11/2025 (11:00-13:00) |
| Aurretiazko proposamenak aurkeztea | 2026/02/11 |
| Lehenengo fasearen ebaluazioaren emaitza | 2026ko maiatza |
| Behin betiko proposamenak aurkeztea | 2026/07/27 |
| Ebaluazioa eta finantzaketa jasoko duten proiektuen behin betiko erabakia | 2026ko urria |
| Proiektuak hastea | 2026ko abendua – 2027ko apirila |
Informazio garrantzitsua
- Gida osoa, online plataforman ere eskuragarri.
- Online plataforma proposamenak aurkezteko.
- Kideak bilatzeko tresna lankidetza eratzeko.
- Deialdira proposamenak aurkeztu nahi dituzten erakundeentzako web-mintegi informatiboak:
- EB: 2025/12/11 (11:00-13:00). FutureFoodSekimenerako deialdia egiten duen bulegoak antolatutako web-mintegia. Deialdiaren alderdi esanguratsuen ikuspegi orokorra emateaz gain, eskaera aurkezteko plataformari buruzko azalpen laburra eskainiko da. Web-mintegia interesa duen pertsona orori irekita dago, eta ez da izena eman behar: https://ptj-fzj.webex.com/ptj-fzj-en/j.php?MTID=m14a526209bda8332db9dc711ce01848a
- ES- 2025/12/15 (11:00-13:00). Espainiako 4 erakunde finantzatzailek antolatutako web-mintegia, besteak beste Eusko Jaurlaritza Euskadin, ELIKAren bitartez: https://eventos.cdti.es/agenda/JC2026_InfodayES_partenariadosAGRO
