Food4Future: balantzea eta ELIKAren parte hartzea

Guztira 34 herrialde desberdinetako 8.732 profesionalek parte hartu dute Food4Futuren, elikagai‑industriarako berrikuntzaren ekitaldian, elikagai-industriaren segmentu guztiak eraldatzen ari diren berrikuntza teknologikoak ezagutzeko.

Mundu‑mailako 413 hizlari adituk elikagaien eta edarien etorkizuna aztertu dute, eta arreta jarri dute Adimen Artifizialean, ekonomia zirkularrean eta nutrizio pertsonalizatuan. Gainera, 287 enpresa­‑erakusketarik elikagai‑industria eraldatzen ari diren azken berrikuntza teknologikoak aurkeztu dituzte.

 “Ekoizpen jasangarria sustatu eta datuetan oinarritutako erabaki adimentsuak hartu behar ditugu, elikagaien sektorearen eraginkortasuna hobetzeko”

Mundu‑mailan kontsumitzen diren elikagaien bi tona bakoitzeko, beste tona bat xahutzen da; hau da, urtean elikagaien mila milioi tona baino gehiago xahutzen dira. Horrek eragin handia du ingurumenean: berotegi‑efektuko mundu‑mailako gasen isuriaren % 8 eta % 10 artean.

Aurrerapen teknologikoak funtsezkoak dira elikagai-industriaren jasangarritasuna hobetzeko eta zero hondakinen helburura hurbiltzeko; horrez gain, F4Fko hirugarren edizioan nabarmendu da teknologiak eta ekonomia zirkularrak elikagai-industriaren bilakaerari laguntzen diotela.

 “Komunitate arduratsua gara, B planetarik ez dagoela dakien herria”

ELIKAk 2023ko Food4Future edizioan modu aktiboan parte hartu du; izan ere, ekonomia zirkularraren esparruko saioak moderatu ditu.

Lehenengo saioan, elikakateko fase ezberdinetan xahuketa murrizteko, enpresa berritzaileek eta zentro teknologikoek sortutako eta abian jarritako soluzioak aurkeztu zituzten.

Bigarren saioan elikagaien ekoizpenak klima aldaketari aurre egiteko soluzioaren parte izateko estrategiak planteatu ziren