I+G+b laguntzak Euskadiko nekazaritzaren, elikaduraren eta arrantzaren sektoreetan – EGAS 2017
Ekonomiaren Garapen eta Azpiegitura Sailak (EGAS) gaur argitaratu du 2017rako EAEko nekazaritzaren, basogintzaren eta arrantza- eta akuikultura-produktuen sektoreetan ikertu, garatu eta berritzeko laguntzen deialdiaren oinarriak onartzen dituen Agindua.
Laguntza hauek dira I+G+b garatzeko tresna garrantzitsuenetakoak, ez soilik epe laburrera erantzuteko, baizik, nagusiki, enpresa arloko egitasmoak bultzatzeko eta zentro teknologikoekin elkarlanean jardun dezaten bultzatzeko, ikerketa-lanak azpi-sektoreen bitartez gara daitezen sustatuz.
Helburua
Efizientzia areagotzea, lehiakortasuna hobetzea, hazkunde jasangarriaren alde egitea eta lankidetza sustatzea Euskal Autonomia Erkidegoko nekazaritzaren, basogintzaren eta arrantza- eta akuikultura-produktuen sektoreetan.
Xedea
Oinarrizko ikerketako, ikerketa industrialeko eta garapen esperimentaleko proiektuen gastuak eta inbertsioak finantzatzea, antolaketaren arloan berritzea, eta Euskadiko nekazaritza-, elikadura- eta arrantza-sektoreen bideragarritasun-azterlanak egitea.
Onuradunak:
- EAEko nekazaritza-, elikadura- eta arrantza-sektoreetako enpresak, edozein forma juridiko dutela ere.
- Elkarteak eta fundazioak.
- Nortasun juridikorik gabeko pertsona fisiko edo juridiko pribatuen taldeak eta ondasun-erkidegoak.
- Zentro teknologikoak.
- Ikerketarako eta ezagutzen zabalkunderako erakundeak.
Aurrekontu-zuzkidura:
Agindu honetan ezarritako laguntzak finantzatzeko, 2017ko ekitaldirako, 1.400.000 euro jarriko dira. Zenbateko hori Euskal Autonomia Erkidegoko aurrekontu orokorren kontura finantzatuko da; horietatik 800.000 euro 2017rako ordainketa-kredituari dagozkio, eta 600.000 euro, berriz, 2018rako konpromiso-kredituari. Honela banatuko da:
- Oinarrizko ikerketako, ikerketa industrialeko eta garapen esperimentaleko proiektuetarako, 1.232.000 euro erabiliko dira.
- I+G+b proiektuekin lotutako bideragarritasun teknikoko azterlanetarako, 28.000 euro erabiliko dira.
- Antolaketaren arloko berrikuntzarako, 140.000 euro erabiliko dira.
Eskabideak aurkezteko epea
Eskabideak aurkezteko epea hilabetekoa izango da, agindu hau Euskal Herriko Agintaritzaren Aldizkarian argitaratu eta hurrengo egunetik aurrera, hau da, 2017/09/27tik 2017/10/26ra.
Eskabidea eta dokumentazioa aurkeztea